ಸೈಲೆಂಟಾಗಿದ್ದ ರಮ್ಯಾ ದಿಢೀರಾಗಿ ಸಿಡಿದೇಳಲು ಕಾರಣವೇನು! ಅಸಲಿಗೆ ‘ಪದ್ಮಾವತಿ’ ಕೋಪಗೊಂಡಿದ್ದೇಕೆ?

राष्ट्रवादी महिला प्रदेशाध्यक्षा विद्या चव्हाण म्हणाल्‍या, “कोण नवनीत राणा? त्या पूर्वी बारमध्ये…” – पुढारी
राष्ट्रवादी महिला प्रदेशाध्यक्षा विद्या चव्हाण म्हणाल्‍या, “कोण नवनीत राणा? त्या पूर्वी बारमध्ये…” – पुढारी
May 14, 2022
Sanjay Raut bats for ‘one country, one language’, says Hindi is spoken across India and has acceptability
Sanjay Raut bats for ‘one country, one language’, says Hindi is spoken across India and has acceptability
May 14, 2022
ಸೈಲೆಂಟಾಗಿದ್ದ ರಮ್ಯಾ ದಿಢೀರಾಗಿ ಸಿಡಿದೇಳಲು ಕಾರಣವೇನು! ಅಸಲಿಗೆ ‘ಪದ್ಮಾವತಿ’ ಕೋಪಗೊಂಡಿದ್ದೇಕೆ?


ಕೆಪಿಸಿಸಿ ಪ್ರಚಾರ ಸಮಿತಿ ಅಧ್ಯಕ್ಷ ಎಂಬಿ ಪಾಟೀಲ್‌ ಹಾಗೂ ಸಚಿವ ಅಶ್ವತ್ಥ ನಾರಾಯಣ ಭೇಟಿ ವಿಚಾರವಾಗಿ ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್ ನೀಡಿರುವ ಹೇಳಿಗೆ ಮಾಜಿ ಸಂಸದೆ ರಮ್ಯಾ ನೀಡಿರುವ ಪ್ರತಿಕ್ರಿಯೆ ಕಾಂಗ್ರೆಸ್‌ನಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಸಿತ್ತು. ರಮ್ಯಾ ಹೇಳಿಕೆಯ ಬೆನ್ನಲ್ಲೇ ಡಿಕೆಶಿ ಬಣ ಸಾಮಾಜಿಕ ಜಾಲತಾಣಗಳಲ್ಲಿ ಮಾಜಿ ಸಂಸದೆ ವಿರುದ್ಧ ಸಮರ ಸಾರಿದ್ದು, ಇತರ ಕೆಲವು ಮುಖಂಡರ ಬಹಿರಂಗ ಹೇಳಿಕೆಗಳೂ ಪರಿಸ್ಥಿತಿಯನ್ನು ಮತ್ತಷ್ಟು ಬಿಗಡಾಯಿಸಿತ್ತು. ಸದ್ಯ ಸಂಧಾನ ಪ್ರಯತ್ನಗಳು ಬಹುತೇಕ ಸಫಲವೂ ಆಗಿದೆ. ಅಷ್ಟಕ್ಕೂ ರಾಜಕೀಯವಾಗಿ ಇತ್ತೀಚಿನ ದಿನಗಳಲ್ಲಿ ಸಕ್ರಿಯರಾಗಿರದ ರಮ್ಯಾ ದಿಢೀರ್‌ ಆಗಿ ಕೆಪಿಸಿಸಿ ಅಧ್ಯಕ್ಷ ಡಿಕೆಶಿ ವಿರುದ್ಧ ತಿರುಗಿ ಬೀಳಲು ಕಾರಣ ಏನು ಎಂಬ ಅಂಶವೂ ಸಾಕಷ್ಟು ಕುತೂಹಲಕ್ಕೆ ಕಾರಣವಾಗಿದೆ.

ಮಾಜಿ ಸಂಸದೆ, ಎಐಸಿಸಿ ಸಾಮಾಜಿಕ ಜಾಲತಾಣದ ಮುಖ್ಯಸ್ಥೆ ಹುದ್ದೆ

ಸೈಲೆಂಟಾಗಿದ್ದ ರಮ್ಯಾ ದಿಢೀರಾಗಿ ಸಿಡಿದೇಳಲು ಕಾರಣವೇನು! ಅಸಲಿಗೆ ‘ಪದ್ಮಾವತಿ’ ಕೋಪಗೊಂಡಿದ್ದೇಕೆ?

2012 ಕ್ಕೆ ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆಗೊಂಡ ರಮ್ಯಾ 2013 ರಲ್ಲಿ ನಡೆದ ಉಪಚುನಾವಣೆಯಲ್ಲಿ ಮಂಡ್ಯದಿಂದ ಗೆದ್ದು ಸಂಸದರಾದರು. 2014 ರ ಲೋಕಸಭಾ ಚುನಾವಣೆಯಲ್ಲಿ ಮತ್ತೆ ಮಂಡ್ಯದಿಂದ ರಮ್ಯಾ ಕಾಂಗ್ರೆಸ್‌ನಿಂದ ಸ್ಪರ್ಧಿಸಿ ಸೋಲನ್ನು ಅನುಭವಿಸಿದರು. ಜೆಡಿಎಸ್ ಅಭ್ಯರ್ಥಿ ಸಿ.ಎಸ್ ಪುಟ್ಟರಾಜು ವಿರುದ್ಧ 5,500 ಮತಗಳ ಅಂತರದಿಂದ ಸೋಲನ್ನು ಅನುಭವಿಸಿದರು. ಆದರೆ ಇದೇ ಸಂದರ್ಭದಲ್ಲಿ ಮಾಜಿ ಸಿಎಂ ಎಸ್‌.ಎಂ ಕೃಷ್ಣಾ ಅವರು ಬಿಜೆಪಿಗೆ ಸೇರ್ಪಡೆಗೊಂಡಿದ್ದ ಸಂದರ್ಭದಲ್ಲಿ ರಮ್ಯಾ ಅವರು ಬಿಜೆಪಿ ಸೇರ್ಪಡೆಯಾಗುತ್ತಾರೆ ಎಂಬ ವದಂತಿ ಹರಡಿತ್ತು. ಆದರೆ ಅವರು ಕಾಂಗ್ರೆಸ್‌ನಲ್ಲೇ ಇದ್ದು, 2017 ರಲ್ಲಿ ಎಐಸಿಸಿ ಸಾಮಾಜಿಕ ಜಾಲತಾಣ ವಿಭಾಗದ ಮುಖ್ಯಸ್ಥರಾಗಿ ಕಾರ್ಯನಿರ್ವಹಿಸಿದರು. ಆದರೆ 2018 ರ ಬಳಿಕ ಸಾಮಾಜಿಕ ಜಾಲತಾಣದ ಮುಖ್ಯಸ್ಥೆ ಹುದ್ದೆಯಿಂದ ಹೊರಬಂದ ರಮ್ಯಾ ರಾಜಕೀಯವಾಗಿ ಸಕ್ರಿಯವಾಗಿರಲಿಲ್ಲ. ದೇಶದಲ್ಲಿ ನಡೆಯುತ್ತಿರುವ ಬೆಳವಣಿಗೆಗಳ ಬಗ್ಗೆ ಯಾವತ್ತಾದರೂ ವೈಯಕ್ತಿಕವಾಗಿ ಪ್ರತಿಕ್ರಿಯೆ ನೀಡುತ್ತಿದ್ದರೇ ಹೊರತು ಪಕ್ಷದ ಅಡಿಯಲ್ಲಿ ತಮ್ಮನ್ನು ಗುರುತಿಸಿಕೊಂಡು ಹೇಳಿಕೆಗಳನ್ನು ನೀಡುತ್ತಿರಲಿಲ್ಲ. ಅಷ್ಟೇ ಅಲ್ಲ, ಪಕ್ಷದ ಯಾವುದೇ ಕಾರ್ಯಕ್ರಮಗಳಲ್ಲೂ ಸಕ್ರಿಯ ಭಾಗವಹಿಸುವಿಕೆ ಇರಲಿಲ್ಲ.

ಬೇಲ್‌ ಮೇಲೆ ಹೊರಗಿರೋ ಹುಡುಗ ನನ್ನ ಪ್ರಾಮಾಣಿಕತೆ ಪ್ರಶ್ನಿಸ್ತಾನೆ: ನಲಪಾಡ್‌ ವಿರುದ್ಧ ರಮ್ಯಾ ಕಿಡಿ

​ರಮ್ಯಾ ಸೈಲೆಂಟ್ ಆಗಲು ಕಾರಣ ಏನು? ಯಾರು

ಲೋಕಸಭಾ ಚುನಾವಣೆಯಲ್ಲಿ ಮಂಡ್ಯ ಕ್ಷೇತ್ರದಿಂದ ಸ್ಪರ್ಧೆ ನಡೆಸಿದ್ದ ರಮ್ಯಾ ಗೆಲುವಿಗೆ ಕಾಂಗ್ರೆಸ್ ಮುಖಂಡರು ಪ್ರಯತ್ನ ನಡೆಸಿದ್ದರು. ಆದರೆ ಕೆಲವು ಮುಖಂಡರು ರಮ್ಯಾ ವಿರುದ್ಧ ಇದ್ದರು ಎಂಬುವುದು ಅವರ ಅಸಮಾಧಾನಕ್ಕೆ ಮೂಲಕ ಕಾರಣ. ಅದರಲ್ಲೂ ಒಕ್ಕಲಿಗ ಸಮುದಾಯದ ರಮ್ಯಾ ಅವರು ಲೋಕಸಭಾ ಚುನಾವಣೆಯಲ್ಲಿ ಗೆದ್ದರೆ ಹೈಕಮಾಂಡ್‌ಗೆ ಮತ್ತಷ್ಟು ಹತ್ತಿರ ಆಗಲು ಕಾರಣವಾಗುತ್ತದೆ ಎಂಬ ಅಭಿಪ್ರಾಯ ರಾಜ್ಯದ ಕೆಲವು ಮುಖಂಡರಲ್ಲಿ ಇತ್ತು.

ಹಳೆ ಮೈಸೂರು ಭಾಗದಲ್ಲಿ ಇವರು ಮತ್ತಷ್ಟು ಪ್ರಬಲವಾಗಿ ಬೆಳೆಯಬಹುದು, ಇದು ಭವಿಷ್ಯದಲ್ಲಿ ನಮಗೂ ಕುತ್ತು ತರಬಹುದು ಎಂಬ ಲೆಕ್ಕಾಚಾರ ರಾಜ್ಯದ ಕೆಲವು ಮುಖಂಡರಲ್ಲಿ ಇತ್ತು. ಈ ಕಾರಣಕ್ಕಾಗಿ ಚುನಾವಣೆಯಲ್ಲಿ ರಮ್ಯಾ ಪರವಾಗಿ ಕೆಲಸ ಮಾಡಿಲ್ಲ ಎಂಬ ಅಭಿಪ್ರಾಯ ಅವರಲ್ಲಿ ಇದೆ ಎನ್ನುತ್ತಿವೆ ಅವರ ಆಪ್ತ ಮೂಲಗಳು. ಇದಕ್ಕೆ ಪೂರಕ ಎಂಬಂತೆ ಮಂಡ್ಯದಲ್ಲಿ ರಮ್ಯಾ ಸೋಲಿಗೆ ಅಂಬರೀಶ್ ಕಾರಣ ಎಂದು ರಮ್ಯಾ ತಾಯಿ ರಂಜಿತಾ ಅವರು ನೇರವಾಗಿ ಆರೋಪ ಮಾಡಿದ್ದರು. ಮಂಡ್ಯದಿಂದ ರಮ್ಯಾ ಅವರನ್ನು ಓಡಿಸಲು ಅವರೇ ಕಾರಣ

ಎಂದು ಆರೋಪವನ್ನೂ ಮಾಡಿದ್ದರು. ಈ ಎಲ್ಲವೂ ರಮ್ಯಾ ರಾಜಕೀಯವಾಗಿ ಸಕ್ರಿಯರಾಗಿ ಇರದಿರುವುದಕ್ಕೆ ಕಾರಣ ಎನ್ನಲಾಗುತ್ತಿದೆ. ಇನ್ನು ಅಂಬರೀಶ್ ಅವರು ಮೃತಪಟ್ಟ ಸಂದರ್ಭದಲ್ಲೂ ರಮ್ಯಾ ಅಂತಿಮ ದರ್ಶನಕ್ಕೆ ಬಂದಿರಲಿಲ್ಲ. ಇದು ಕೂಡಾ ಚರ್ಚೆಗೆ ಗ್ರಾಸವಾಗಿತ್ತು. ಆದರೆ ಆಸ್ಟಿಯೋಕ್ಲ್ಯಾಟೋಮಾ(Osteoclastoma) ಎಂಬ ಕಾಯಿಲೆಯಿಂದ ಬಳಲುತ್ತಿರುವ ಕಾರಣಕ್ಕಾಗಿ ಅಂತಿಮ ದರ್ಶನ ಪಡೆಯಲು ಬರಲು ಸಾಧ್ಯವಾಗಿಲ್ಲ ಎಂದು ರಮ್ಯಾ ಸ್ಪಷ್ಟನೆ ನೀಡಿದ್ದರು.

​ಎಂಟು ಕೋಟಿ ಹಣ ದುರುಪಯೋಗದ ಆರೋಪ!

ರಮ್ಯಾ ವಿರುದ್ಧ ಎಂಟು ಕೋಟಿ ಹಣ ದುರುಪಯೋಗ ಮಾಡಿದ ಆರೋಪ ರಮ್ಯಾ ಅವರನ್ನು ಮತ್ತಷ್ಟು ಸೈಲೆಂಟ್‌ ಮಾಡಿತು ಎಂದು ಹೇಳುತ್ತಾರೆ ಅವರನ್ನು ಬಲ್ಲವರು. ಎಐಸಿಸಿ ಸೋಷಿಯಲ್ ಮೀಡಿಯಾ ಜವಾಬ್ದಾರಿ ಹೊತ್ತುಕೊಂಡಿದ್ದ ಸಂದರ್ಭದಲ್ಲಿ ರಮ್ಯಾ ಅವರು ಅದನ್ನು ಸೂಕ್ತವಾಗಿ ನಿಭಾಯಿಸಿದ್ದರು. ದೇಶ ಮಟ್ಟದಲ್ಲಿ ಸಾಮಾಜಿಕ ಜಾಲತಾಣದ ಸಂಘಟನೆಯನ್ನು ಕಟ್ಟಿದ್ದರು. ಅದಕ್ಕೆ ಒಂದು ರೂಪು ರೇಷೆ ಕೊಡುವಲ್ಲೂ ರಮ್ಯಾ ಪಾತ್ರ ಮುಖ್ಯವಾಗಿತ್ತು. ಆದರೆ ಅವರ ವಿರುದ್ಧ ಪಕ್ಷದಲ್ಲೇ ಕೆಲವರು ಅಸಹನೆ ವ್ಯಕ್ತಪಡಿಸಲು ಅರಂಭಿಸಿದರು. ಇದರ ಮುಂದುವರಿದ ಭಾಗವಾಗಿಯೇ ಎಂಟು ಕೋಟಿ ಹಣ ದುರುಪಯೋಗದ ಸುದ್ದಿಯೂ ಮಾಡಲಾಯಿತು. ಸಹಜವಾಗಿ ಈ ಬೆಳವಣಿಗೆ ಅವರನ್ನು ಮತ್ತಷ್ಟು ನೊಂದುಕೊಳ್ಳುವಂತೆ ಮಾಡಿತ್ತು ಎನ್ನಲಾತ್ತಿದೆ.

​ರಮ್ಯಾ ಕೋಪ ಕಾಂಗ್ರೆಸ್ ವಿರುದ್ಧ ಅಥವಾ ?

ರಮ್ಯಾ ಅವರು ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್ ಅವರ ವಿರುದ್ಧ ಮಾಡಿದ್ದ ಟ್ವೀಟ್ ಹಿನ್ನೆಲೆಯಲ್ಲಿ ಸಹಜವಾಗಿ ಈ ಪ್ರಶ್ನೆ ಎದುರಾಗಿತ್ತು. ರಮ್ಯಾ ಕಾಂಗ್ರೆಸ್ ತೊರೆಯುತ್ತಾರೆ ಎಂಬ ಸುದ್ದಿಯೂ ಹರಡಿತ್ತು. ಆದರೆ ಅವರು ಬಿಜೆಪಿಯನ್ನು ಸೈದ್ದಾಂತಿಕವಾಗಿ ವಿರೋಧ ಮಾಡುತ್ತಾರೆ. ಈ ಬಗ್ಗೆ ಅವರಿಗೆ ಸ್ಪಷ್ಟತೆ ಇದೆ. ಅಷ್ಟೇ ಅಲ್ಲದೆ ಕಾಂಗ್ರೆಸ್ ಹೈಕಮಾಂಡ್‌ ಜೊತೆ ಉತ್ತಮ ಭಾಂಧವ್ಯ ಇದೆ. ಅದರಲ್ಲೂ ಎಐಸಿಸಿ ಮಾಜಿ ಅಧ್ಯಕ್ಷ ರಾಹುಲ್ ಗಾಂಧಿ ಜೊತೆಗೂ ಉತ್ತಮವಾದ ಒಡನಾಟ ಇದೆ ಎಂಬುವುದು ಮೂಲಗಳ ಮಾಹಿತಿ. ಈ ಕಾರಣಕ್ಕಾಗಿ ರಮ್ಯಾ ಕಾಂಗ್ರೆಸ್ ಪಕ್ಷವನ್ನು ವಿರೋಧಿಸಿಲ್ಲ. ಬದಲಾಗಿ ತಮ್ಮ ವಿರುದ್ಧ ಪಿತೂರಿ ಮಾಡಲಾಗಿದೆ ಎಂಬ ಕಾರಣಕ್ಕಾಗಿ ಕೆಲವರ ಬಗ್ಗೆ ಅವರಿಗೆ ಅಸಮಾಧಾನವಿದೆ ಎನ್ನಲಾಗುತ್ತಿದೆ. ಸದ್ಯ ಈ ಎಲ್ಲ ಬೆಳವಣಿಗೆಗಳ ಹಿನ್ನೆಲೆಯಲ್ಲಿ ರಾಹುಲ್ ಗಾಂಧಿ ಮಧ್ಯಪ್ರವೇಶ ಮಾಡಿ ಗೊಂದಲ ಬಗೆಹರಿಸುವಂತೆ ರಾಜ್ಯ ಕಾಂಗ್ರೆಸ್ ಉಸ್ತುವಾರಿ ರಣದೀಪ್ ಸಿಂಗ್ ಸುರ್ಜೇವಾಲಗೆ ಸೂಚನೆ ನೀಡಿದ್ದಾರೆ. ಪರಿಣಾಮ ರಮ್ಯಾ ಕೂಡಾ ಸೈಲೆಂಟಾಗಿದ್ದಾರೆ.



Source link

Leave a Reply

Your email address will not be published.