ಬದಲಾವಣೆಗೆ ಟೊಂಕ ಕಟ್ಟಿದ ಪ್ರತಿಪಕ್ಷಗಳು: ಕಾಂಗ್ರೆಸ್‌ನಲ್ಲಿ ಕುಟುಂಬಕ್ಕೆ ಒಂದೇ ಟಿಕೆಟ್‌ ಸೂತ್ರ!

राज्यसभेची सहावी जागा अपक्षांच्या हाती – पुढारी
राज्यसभेची सहावी जागा अपक्षांच्या हाती – पुढारी
May 14, 2022
જાણો કેમ નક્કી થશે ભાજપના ઉમેદવાર: MLA એરિયાના ક્લાસ શરૂ, ખાનગી સર્વે ટીમની ફુલ-ફ્લેજ કામગીરી! 1થી 10 માર્કનું રેન્કિંગ, અનેકના પત્તા કપાશે!
જાણો કેમ નક્કી થશે ભાજપના ઉમેદવાર: MLA એરિયાના ક્લાસ શરૂ, ખાનગી સર્વે ટીમની ફુલ-ફ્લેજ કામગીરી! 1થી 10 માર્કનું રેન્કિંગ, અનેકના પત્તા કપાશે!
May 14, 2022


ಉದಯಪುರ/ಬೆಂಗಳೂರು: ರಾಜ್ಯದಲ್ಲಿ ಮುಂದಿನ ವರ್ಷ ನಡೆಯಲಿರುವ ವಿಧಾನಸಭೆ ಚುನಾವಣೆ ಮತ್ತು 2024ರ ಸಾರ್ವತ್ರಿಕ ಚುನಾವಣೆಗೆ ರಾಜಕೀಯ ಪಕ್ಷಗಳ ತಾಲೀಮು ಜೋರಾಗಿದೆ. ಅದರಲ್ಲೂ ಪ್ರತಿಪಕ್ಷಗಳು ಸಂಘಟನೆ ಮತ್ತು ಕಾರ್ಯತಂತ್ರದಲ್ಲಿ ಆಮೂಲಾಗ್ರ ಬದಲಾವಣೆಗೆ ಕೈ ಹಾಕಿದ್ದು, ಪರ್ಯಾಯ ಶಕ್ತಿಗಳ ರಾಜಕೀಯ ಚಟುವಟಿಕೆ ವೇಗ ಪಡೆದುಕೊಂಡಿದೆ. ರಾಜಸ್ಥಾನದ ಉದಯಪುರದಲ್ಲಿ ಶುಕ್ರವಾರ ಆರಂಭವಾದ ಮೂರು ದಿನಗಳ ಕಾಂಗ್ರೆಸ್‌ ‘ನವ ಸಂಕಲ್ಪ ಚಿಂತನ ಶಿಬಿರ’ ಮತ್ತು ಶುಕ್ರವಾರ ಬೆಂಗಳೂರಿನಲ್ಲಿ ಭಾರಿ ಶಕ್ತಿ ಪ್ರದರ್ಶನದೊಂದಿಗೆ ಸಮಾರೋಪಗೊಂಡ ಜೆಡಿಎಸ್‌ ‘ಜನತಾ ಜಲಧಾರೆ ಯಾತ್ರೆ’ ಇಂತಹ ಬದಲಾವಣೆಗೆ ನಾಂದಿ ಹಾಡಿವೆ.

ನಾಯಕತ್ವ ಕೊರತೆಯಿಂದ ಸೊರಗಿರುವ ಕಾಂಗ್ರೆಸ್‌ನಲ್ಲಿ ‘ಯುವ ಚೈತನ್ಯ’ ತುಂಬುವ ನಿಟ್ಟಿನಲ್ಲಿ ಕೈ ಪಾಳಯ ಸಂಘಟನಾತ್ಮಕವಾಗಿ ದೊಡ್ಡ ಮಟ್ಟದ ಬದಲಾವಣೆಗೆ ಮುಂದಾಗಿದೆ. ಜತೆಗೆ ಪದೇ ಪದೇ ಬಿಜೆಪಿಗೆ ಟೀಕಾಸ್ತ್ರವಾಗುತ್ತಿರುವ ‘ಕೌಟುಂಬಿಕ ರಾಜಕಾರಣ’ದ ಕಪ್ಪು ಮಚ್ಚೆಯಿಂದಲೂ ಮುಕ್ತಿ ಪಡೆಯಲು ‘ಒಂದು ಕುಟುಂಬಕ್ಕೆ ಒಂದೇ ಟಿಕೆಟ್‌’ ಸೂತ್ರ ಅನುಸರಿಸಲು ನಿರ್ಧರಿಸಿದೆ. ಪಕ್ಷದ ಎಲ್ಲಾ ಹಂತಗಳಲ್ಲೂ ಯುವಕರಿಗೆ ಮಣೆ, ಗರಿಷ್ಠ ಅಧಿಕಾರಾವಧಿ ನಿಗದಿ, ಸಂಘಟನೆ ಉಸ್ತುವಾರಿಗೆ ಸಮಿತಿ ರಚನೆ ಸೇರಿದಂತೆ ಹಲವು ‘ಕ್ರಾಂತಿಕಾರಿ’ ಬದಲಾವಣೆಗೆ ಚಿಂತನ ಶಿಬಿರದಲ್ಲಿ ಗಂಭೀರ ಚರ್ಚೆ ನಡೆಯುತ್ತಿದೆ. ಈ ಸಂಬಂಧ ಮಹತ್ವದ ನಿರ್ಣಯಗಳನ್ನು ಕೈಗೊಳ್ಳುವ ಬಗ್ಗೆ ಪಕ್ಷದ ಪ್ರಧಾನ ಕಾರ್ಯದರ್ಶಿ ಅಜಯ್‌ ಮಕೇನ್‌ ಮಾಹಿತಿ ನೀಡಿದ್ದಾರೆ.
ಕಾಂಗ್ರೆಸ್‌ ಬಲವರ್ಧನೆಗೆ ರಾಜಸ್ಥಾನದಲ್ಲಿ ಚಿಂತನ ಶಿಬಿರ! ಉದಯಪುರಕ್ಕೆ ತೆರಳಿದ ಕರ್ನಾಟಕದ ‘ಕೈ’ ನಾಯಕರು
ಜಲಧಾರೆಯೇ ದಳದ ಅಜೆಂಡಾ
ಇತ್ತ, ಮಾಡು ಇಲ್ಲವೇ ಮಡಿ ಪರಿಸ್ಥಿತಿಗೆ ಸಿಲುಕಿರುವ ಜೆಡಿಎಸ್‌ ಪಾಲಿಗೂ ಪಕ್ಷದ ಸಂಘಟನೆ, ಬಲವರ್ಧನೆ ಅನಿವಾರ್ಯವಾಗಿದೆ. ಅಧಿಕಾರವಿಲ್ಲದ ಪಕ್ಷದಿಂದ ನಾಯಕರ ‘ವಲಸೆ’ ತಡೆದು ಅಸ್ತಿತ್ವ ಉಳಿಸಿಕೊಳ್ಳುವ ಸವಾಲು ಎದುರಿಸುತ್ತಿದೆ. ಈ ನಿಟ್ಟಿನಲ್ಲಿ ನೀರಾವರಿ ಯೋಜನೆಗಳ ಅನುಷ್ಠಾನ ಹೋರಾಟ ‘ಜನತಾ ಜಲಧಾರೆ’ಯನ್ನು ಆಶ್ರಯಿಸಿದೆ. ಜಲಧಾರೆ ಕಾರ್ಯಕ್ರಮದ ಮೂಲಕ 184 ವಿಧಾನಸಭಾ ಕ್ಷೇತ್ರಗಳಲ್ಲಿ ಜೆಡಿಎಸ್‌ ಕಾರ್ಯಕರ್ತರನ್ನು ಬಡಿದೆಬ್ಬಿಸಿ ಉತ್ಸಾಹದಿಂದ ಪಕ್ಷದ ಚಟುವಟಿಕೆ, ಚುನಾವಣಾ ಪ್ರಚಾರದಲ್ಲಿ ತೊಡಗಿಸಿಕೊಳ್ಳುವಂತೆ ಮಾಡುವ ಯೋಜನೆಯನ್ನು ನಾಯಕರು ಹೊಂದಿದ್ದಾರೆ. ಬೀದರ್‌ನಿಂದ ಚಾಮರಾಜನಗರ ಜಿಲ್ಲೆಯವರೆಗಿನ ಜನರನ್ನು ಪಕ್ಷದತ್ತ ಪಕ್ಷದತ್ತ ಸೆಳೆಯುವ ಕಾರ್ಯತಂತ್ರವೂ ಇದರ ಹಿಂದಿದೆ. 2023ರ ವಿಧಾನಸಭಾ ಚುನಾವಣೆಗೆ ಈ ಯಾತ್ರೆಯೇ ಪಕ್ಷದ ‘ರಣ ಕಹಳೆ’ ಎಂದು ಜೆಡಿಎಸ್‌ ನಾಯಕ ಎಚ್‌.ಡಿ. ಕುಮಾರಸ್ವಾಮಿ ಘೋಷಿಸಿದ್ದಾರೆ. ಜತೆಗೆ, 123 ಸ್ಥಾನಗಳ ಗೆಲುವಿನ ಭರವಸೆಯಲ್ಲಿ’ಮಿಷನ್‌ 123′ ಟಾರ್ಗೆಟ್‌ ಪ್ರಕಟಿಸಿದ್ದಾರೆ.

ಕ್ಷಿಪ್ರವಾಗಿ ಬದಲಾಗುತ್ತಿರುವ ಸಮಯಕ್ಕೆ ತಕ್ಕಂತೆ ಸಂಘಟನೆಯಲ್ಲೂ ಬದಲಾವಣೆ ಅತ್ಯಗತ್ಯ. ಪಕ್ಷದಲ್ಲಿ ದೊಡ್ಡ ಮಟ್ಟದ ಬದಲಾವಣೆಯಾಗಲಿದೆ. ಮುಂದಿನ ದಿನಗಳಲ್ಲಿ ಪಕ್ಷದ ಕಾರ್ಯ ವಿಧಾನವೇ ಸಂಪೂರ್ಣ ಪರಿವರ್ತನೆಯಾಗಲಿದೆ ಎಂದು ಕಾಂಗ್ರೆಸ್‌ ಪ್ರಧಾನ ಕಾರ್ಯದರ್ಶಿ ಅಜಯ್‌ ಮಕೇನ್‌ ಹೇಳಿದ್ದಾರೆ.

ಕಾಂಗ್ರೆಸ್‌ ಮುಂದಿರುವ ರಾಜಕೀಯ ಸವಾಲುಗಳು ಹೆಚ್ಚಿವೆ. ಇವುಗಳನ್ನು ಎದುರಿಸಲು ಕ್ರಿಯಾಯೋಜನೆ ರೂಪಿಲಾಗುತ್ತಿದೆ. ಪ್ರಸ್ತುತ ಆಂತರಿಕ ಬಲವರ್ಧನೆಗೆ ಪಕ್ಷದ ಮೊದಲ ಆದ್ಯತೆ ಎಂದು ಹಿರಿಯ ಕಾಂಗ್ರೆಸ್ ಮುಖಂಡ ಮಲ್ಲಿಕಾರ್ಜುನ ಖರ್ಗೆ ತಿಳಿಸಿದ್ದಾರೆ.
ಜೆಡಿಎಸ್‌ನಿಂದ ಚುನಾವಣೆ ರಣಕಹಳೆ: ಕುಮಾರಸ್ವಾಮಿ ಘೋಷಣೆ
ಕುಟುಂಬಕ್ಕೊಂದೇ ಟಿಕೆಟ್‌
ಒಂದು ಕುಟುಂಬಕ್ಕೆ ಒಂದೇ ಟಿಕೆಟ್‌ ಸೂತ್ರ ಅನುಸರಿಸಲು ಕಾಂಗ್ರೆಸ್‌ ಮುಂದಾಗಿದ್ದು, ಬಹುತೇಕ ನಾಯಕರು ಇದಕ್ಕೆ ಸಹಮತ ಸೂಚಿಸಿದ್ದಾರೆ ಎಂದು ಪಕ್ಷದ ನಾಯಕ ಅಜಯ್‌ ಮಕೇನ್‌ ತಿಳಿಸಿದ್ದಾರೆ. ಆದರೆ, ನೆಹರೂ ಗಾಂಧಿ ಕುಟುಂಬದ ಕುಡಿಗಳಿಗೆ ಈ ನಿಯಮ ಅನ್ವಯಿಸದು. ಅಲ್ಲದೆ, ‘ಆದರ್ಶಪ್ರಾಯ’ವಾಗಿ ಕೆಲಸ ಮಾಡಿ ಗಮನ ಸೆಳೆದ ಒಂದೇ ಕುಟುಂಬದ ಎರಡನೇ ನಾಯಕರಿಗೂ ಈ ನಿಯಮದಿಂದ ವಿನಾಯಿತಿ ನೀಡಲಾಗಿದೆ.

ಸಂಘಟನೆ ಬದಲಾವಣೆಗೆ ‘ಕೈ’

  • ಎಲ್ಲಾ ಮಟ್ಟದ ಸಮಿತಿಗಳಲ್ಲಿ 50 ವರ್ಷಕ್ಕಿಂತ ಕಿರಿಯರಿಗೆ 50% ಪ್ರಾತಿನಿಧ್ಯ
  • ಗರಿಷ್ಠ 5 ವರ್ಷ ಅಧಿಕಾರಾವಧಿ ನಿಗದಿ, ಕನಿಷ್ಠ 3 ವರ್ಷಗಳ ಬಳಿಕವಷ್ಟೇ ಮರು ಆಯ್ಕೆ
  • ಜನತಾ ಸಮೀಕ್ಷೆ ವ್ಯವಸ್ಥೆ ರೂಪಿಸಲು, ಪದಾಧಿಕಾರಿಗಳ ಕಾರ್ಯಕ್ಷಮತೆ ಅಳೆಯಲು ‘ಪಬ್ಲಿಕ್‌ ಇನ್‌ಸೈಟ್‌ ವಿಭಾಗ’ ಸ್ಥಾಪನೆ
  • ಬೂತ್‌ ಮತ್ತು ಬ್ಲಾಕ್‌ ಮಟ್ಟಗಳ ನಡುವೆ ‘ಮಂಡಲ ಸಮಿತಿ’ಗಳ ರಚನೆ
  • ಪ್ರತಿ ಮಂಡಲದಲ್ಲೂ 15-20 ಬೂತ್‌, ಪ್ರತಿ ಬ್ಲಾಕ್‌ ಕಾಂಗ್ರೆಸ್‌ ಕಮಿಟಿಯಲ್ಲಿ 3-4 ಮಂಡಲಗಳ ಸೇರ್ಪಡೆ

400 ನಾಯಕರು ಭಾಗಿ
‘ನವ ಸಂಕಲ್ಪ ಚಿಂತನ ಶಿಬಿರ’ದ ಹೆಸರಲ್ಲಿ ನಡೆಯುತ್ತಿರುವ ಚಿಂತನ-ನಂಥನದಲ್ಲಿ 400ಕ್ಕೂ ಹೆಚ್ಚು ನಾಯಕರು ಭಾಗವಹಿಸಿದ್ದು, ಆರು ವಿಷಯಗಳ ಬಗ್ಗೆ ಚರ್ಚಿಸಲಾಗುತ್ತಿದೆ. ರಾಜಕೀಯ, ಸಂಘಟನೆ, ಆರ್ಥಿಕತೆ, ಸಾಮಾಜಿಕ ಕಲ್ಯಾಣ, ಯುವಜನ ಮತ್ತು ಕೃಷಿ ಎಂಬ ಆರು ವಿಷಯಗಳನ್ನು ಚರ್ಚಾ ವಿಷಯವಾಗಿ ಆಯ್ದುಕೊಳ್ಳಲಾಗಿದೆ.



Source link

Leave a Reply

Your email address will not be published.