ಜ್ಞಾನವಾಪಿ ಮಸೀದಿ ವಿವಾದ: ಅಡೆತಡೆ ಇಲ್ಲದೆ ಶಾಂತಿಯುತ ಸಮೀಕ್ಷೆ

ನಾವು ನಿಮ್ಮನ್ನು ಒದ್ದು ಹೊರಹಾಕಿದ್ದೇವೆ: ಬಿಜೆಪಿ ವಿರುದ್ಧ ಉದ್ಧವ್ ಠಾಕ್ರೆ ವಾಗ್ದಾಳಿ
ನಾವು ನಿಮ್ಮನ್ನು ಒದ್ದು ಹೊರಹಾಕಿದ್ದೇವೆ: ಬಿಜೆಪಿ ವಿರುದ್ಧ ಉದ್ಧವ್ ಠಾಕ್ರೆ ವಾಗ್ದಾಳಿ
May 14, 2022
Caste census is complex. Let states do it first: K Laxman, National President, BJP’s OBC Morcha
May 14, 2022


ವಾರಾಣಸಿ: ಕಾಶಿ ವಿಶ್ವನಾಥ ದೇವಾಲಯದ ಬಳಿಯ ಜ್ಞಾನವಾಪಿ ಮಸೀದಿಯ ವಿಡಿಯೊ ಸಮೀಕ್ಷೆಯು ಶನಿವಾರ ಬಿಗಿ ಭದ್ರತೆಯ ಮಧ್ಯೆಯೇ ಶಾಂತಿಯುತವಾಗಿ ನಡೆದಿದೆ. ‘‘ನಿಗದಿಯಂತೆಯೇ ಶನಿವಾರ ಬೆಳಗ್ಗೆ 8 ಗಂಟೆಗೆ ಮಸೀದಿ ಆವರಣದಲ್ಲಿ ವಿಡಿಯೊ ಸಮೀಕ್ಷೆ ಆರಂಭವಾಯಿತು. ಮುಂಜಾಗ್ರತಾ ಕ್ರಮವಾಗಿ ಮಸೀದಿ ಸುತ್ತ ಬಿಗಿ ಬಂದೋಬಸ್ತ್ ಏರ್ಪಡಿಸಲಾಗಿತ್ತು. ಸಮೀಕ್ಷೆಗೆ ಯಾರೂ ಅಡ್ಡಿಪಡಿಸಲಿಲ್ಲ ಹಾಗೂ ಇಡೀ ಪ್ರಕ್ರಿಯೆ ಸುಗಮವಾಗಿತ್ತು. ಭಾನುವಾರ ಮತ್ತೆ ಸಮೀಕ್ಷೆ ನಡೆಸಲಾಗುವುದು,’’ ಎಂದು ವಾರಾಣಸಿ ಪೊಲೀಸ್‌ ಆಯುಕ್ತ ಎ. ಸತೀಶ್‌ ಗಣೇಶನ್‌ ತಿಳಿಸಿದ್ದಾರೆ.

ಸಮೀಕ್ಷೆ ಹಿನ್ನೆಲೆಯಲ್ಲಿ ಮಸೀದಿ ಸುತ್ತಮುತ್ತಲಿನ 500 ಮೀಟರ್‌ ವ್ಯಾಪ್ತಿಯ ಅಂಗಡಿ-ಮುಂಗಟ್ಟುಗಳನ್ನು ಮುಚ್ಚಲಾಗಿತ್ತು. ಮೇ 17ರೊಳಗೆ ಮಸೀದಿ ಸಮೀಕ್ಷಾ ವರದಿ ಸಲ್ಲಿಸಬೇಕು ಎಂದು ವಾರಾಣಸಿ ಕೋರ್ಟ್‌ ನಿರ್ದೇಶಿಸಿದ ಕಾರಣ ಸಮೀಕ್ಷೆಗೆ ವೇಗ ನೀಡಲಾಗಿದೆ. ಆದಾಗ್ಯೂ, ಸಮೀಕ್ಷೆಗೆ ತಡೆಯಾಜ್ಞೆ ನೀಡಬೇಕು ಎಂದು ಸುಪ್ರೀಂ ಕೋರ್ಟ್‌ನಲ್ಲಿ ಸಲ್ಲಿಸಿದ ಅರ್ಜಿಯ ವಿಚಾರಣೆ ಮುಂದಿನ ವಾರ ನಡೆಯಲಿದೆ ಎಂದು ತಿಳಿದುಬಂದಿದೆ.
ಜ್ಞಾನವಾಪಿ ಮಸೀದಿ ಪ್ರಕರಣದ ತೀರ್ಪು ಕೊಟ್ಟ ನ್ಯಾಯಾಧೀಶರಿಗೆ ಜೀವಭಯ!

ಸುಪ್ರೀಂಕೋರ್ಟ್ ನಕಾರ
ಕಾಶಿ ವಿಶ್ವನಾಥ ದೇವಾಲಯದ ಆವರಣಕ್ಕೆ ಹೊಂದಿಕೊಂಡಿರುವ ಜ್ಞಾನವಾಪಿ ಮಸೀದಿಯ ವಿಡಿಯೊಗ್ರಫಿ ಸಮೀಕ್ಷೆಗೆ ತಡೆಯಾಜ್ಞೆ ನೀಡಲು ಸುಪ್ರೀಂ ಕೋರ್ಟ್‌ ನಿರಾಕರಿಸಿರುವ ಬೆನ್ನಲ್ಲೇ, ಶನಿವಾರದಿಂದ ವಿಡಿಯೊ ಸಮೀಕ್ಷೆ ಆರಂಭವಾಗಲಿದೆ ಎಂದು ವಾರಾಣಸಿ ಜಿಲ್ಲಾಡಳಿತ ಘೋಷಿಸಿತ್ತು.

ಮಸೀದಿ ಆವರಣದಲ್ಲಿರುವ ಶೃಂಗಾರ ಗೌರಿ ದೇಗುಲದಲ್ಲಿ ಪೂಜೆಗೆ ಅವಕಾಶ ನೀಡಬೇಕು ಎಂದು ಅರ್ಜಿ ಸಲ್ಲಿಸಿದವರು ಹಾಗೂ ಸಮೀಕ್ಷೆಗೆ ಆಕ್ಷೇಪ ವ್ಯಕ್ತಪಡಿಸಿ ನ್ಯಾಯಾಲಯದ ಮೊರೆ ಹೋದ ಅಂಜುಮಾನ್‌ ಇಂತೆಜಾಮಿಯಾ ಮಸೀದಿ ಸಮಿತಿ ಕಡೆಯವರ ಜತೆ ಶುಕ್ರವಾರ ಜಿಲ್ಲಾಡಳಿತವು ಸಭೆ ನಡೆಸಿದ್ದು, ಶಾಂತಿ ಸ್ಥಾಪನೆಗೆ ಸೂಚಿಸಿದೆ. ಅಲ್ಲದೆ, ಸಮೀಕ್ಷೆ ಕುರಿತು ನೀಲನಕ್ಷೆಯನ್ನೂ ತಯಾರಿಸಲಾಗಿದೆ.
”ನ್ಯಾಯಾಲಯದ ಸೂಚನೆಯಂತೆ ಶನಿವಾರ ಬೆಳಗ್ಗೆ 8 ಗಂಟೆಯಿಂದ ಮಧ್ಯಾಹ್ನ 12ವರೆಗೆ ಸಮೀಕ್ಷೆ ನಡೆಯಲಿದೆ. ಸಮೀಕ್ಷೆ ಪ್ರಕ್ರಿಯೆ ಪೂರ್ಣಗೊಳಿಸುವವರೆಗೆ ಎರಡೂ ಕಡೆಯವರು ಶಾಂತಿ ಹಾಗೂ ಸೌಹಾರ್ದತೆ ಕಾಪಾಡಬೇಕು ಎಂದು ಸಭೆ ನಡೆಸಿ ಮನವಿ ಮಾಡಲಾಗಿದೆ,” ಎಂದು ಸಭೆ ಬಳಿಕ ಜಿಲ್ಲಾ ಮ್ಯಾಜಿಸ್ಪ್ರೇಟ್‌ ಕೌಶಲ್‌ ರಾಜ್‌ ಶರ್ಮಾ ತಿಳಿಸಿದ್ದರು.
ಮತ್ತೊಂದು ಮಸೀದಿಯನ್ನು ಕಳೆದುಕೊಳ್ಳಲು ಬಯಸುವುದಿಲ್ಲ: ಅಸಾದುದ್ದೀನ್ ಓವೈಸಿ ಆಕ್ರೋಶ

ಸಮೀಕ್ಷೆಗೆಂದು ವಾರಾಣಸಿ ಕೋರ್ಟ್‌ ನೇಮಿಸಿರುವ ವಕೀಲ ಅಜಯ್‌ ಕುಮಾರ್‌ ಮಿಶ್ರಾ, ಅವರ ನೆರವಿಗಾಗಿ ನೇಮಿಸಲಾದ ಇಬ್ಬರು ವಕೀಲರನ್ನು ಒಳಗೊಂಡ ತಂಡವು ಸಮೀಕ್ಷೆ ನಡೆಸಲಿದೆ. ಮೇ 17 ರೊಳಗೆ ಸಮೀಕ್ಷೆ ಪೂರ್ಣಗೊಳಿಸಿ ವರದಿ ಸಲ್ಲಿಸಬೇಕು ಎಂದು ವಾರಾಣಸಿ ನ್ಯಾಯಾಲಯ ನಿರ್ದೇಶಿಸಿದೆ.



Source link

Leave a Reply

Your email address will not be published.