मुंबई, पुढारी ऑनलाईन : राष्ट्रवादीचे प्रमुख शरद पवार यांच्यासंबंधी आक्षेपार्ह पोस्ट शेअर करणारी अभिनेत्री केतकी चितळेला १८ मेपर्यंत पोलीस कोठडी सुनावली आहे. ठाणे सत्र न्यायालयाने हा निर्णय दिलेला आहे. केतकी चितळे हिने न्यायालयात वकील न घेता स्वतःच युक्तीवाद केलेला आहे. ती म्हणाली की, “सोशल मीडियावर व्यक्त होण्याचं स्वातंत्र्य नाही का? ही माझी पोस्ट नाही. मी दुसऱ्या एका व्यक्तीची पोस्ट शेअर केली आहे”, असा प्रश्न केतकीने उपस्थित केला.
